នាព្រឹកថ្ងៃសៅរ៍ ទី២៩ ខែវិច្ឆិកា ឆ្នាំ២០២៥ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៧ និងលោកជំទាវ បានអញ្ជេីញជាអធិបតីក្នុងពិធីបេីកបវេសនកាលឆ្នាំសិក្សា២០២៥-២០២៦ របស់វិទ្យាស្ថានកសិកម្ម ឧកញ៉ា ម៉ុង ឫទ្ធី ភូមិឫទ្ធី១ ឃុំកែវផុស ស្រុកស្ទឹងហាវ ខេត្តព្រះសីហនុ ។នាឱកាសនោះ ឯកឧត្តមបណ្ឌិត បានបញ្ជាក់ថា អស់រយៈពេលជាង១០ឆ្នាំកន្លងមក ឯកឧត្តមបណ្ឌិត និងលោកជំទាវ តែងតែចំណាយថវិកាចំនួន 100,000.00USD (មួយរយពាន់ដុល្លារ)ជារៀងរាល់ឆ្នាំ សម្រាប់អាហារូបករណ៍ និងជួយផ្គត់ផ្គង់រាល់ការខ្វះខាតចាំបាច់នៅក្នុងវិទ្យាស្ថាននេះ ហេីយអ្វីដែលជាមោទនភាពបំផុតនោះគឺ ក្រោយពីបញ្ចប់ការសិក្សាសិស្សានុសិស្សទាំងអស់សុទ្ធតែមានការងារធ្វើទាំងអស់គ្នា។
ប្រភព៖ ការិយាល័យជំនួយការគណៈកម្មការទី៣ព្រឹទ្ធសភា
